Yog koj ntsib kev nyuajsiab ntxhovplawv, hu rau peb.
Peb muaj kev pab rau cov menyuam uas ntsib teebmeem.
Learn to Recognize, Manage, Prevent and Plan for Your Child’s Mental Health Crisis.
Peb Yuav Pab Tau
Cov neeg ua haujlwm pab rau sab kev nyuajsiab ntxhovplawv yuav muaj kev pab rau koj ntawm 24-teev toj ib-hnub, 7-hnub twg toj ib-limtiam.
Peb yuav ntsib tau nrog koj timntsej timmuag thiab/losyog nrog koj tham hauv xovtooj pab daws koj tej teebmeem.
Yog yuav muaj teebmeem tshwmsim rau koj, hu rau 911.
Peb Li Kev Pab
Kev pab rau sab kev Nyuajsiab Ntxhovplawv “Mental Health Crisis” yeej yuav muaj pab txawm haistias koj yuav them tau los tsistau.
Kev Tivthaiv “Crisis Intervention”
Cov neeg ua haujlwm pab rau sab kev nyuajsiab ntxhovplawv “counselor” yuav tham thiab nrhiav kev pab rau koj tau ntawm 24-teev toj ib-hnub, 7-hnub twg toj ib-limtiam. Peb yuav pab rau koj thaum muaj ibqho teebmeem nyuaj thiab pab nrhiav tswvyim los nrog koj daws.
Txo Qhov Teebmeem Kom Yau “De-escalation”
Peb yuav muab tswvyim pab koj cheem tus neeg npautaws, tswj tsistau nws tus kheej losyog chim-chim heev. Peb kuj yuav pab koj kom tswj lub caijnyoog kub-kub kom txhob muaj teebmeem.
Nrhiav Txoj Kev Tawm “Crisis Planning”
Cov neeg ua haujlwm yuav pab koj nrhiav ib txoj kev tawm los tswj tej teebmeem, niajhnub tamsim no thiab lub neej tagkis.
Kev Tswj Teebmeem “Crisis stabilization”
Kev Tswj Teebmeem yog ib txoj kev uas yuav nrog koj txuaslus, xwsli, hu nrog koj tham – ntsib nrog rau koj thiab yuav siv koj lub sijhawm li 4-lub ashtiv.
Nrhiav Kev Pab “Consultations”
Peb cov neeg yuav ua haujlwm nrog tej kooshaum, chaw khomob loj, tsev kawmntawv, thiab cov neeg ceevxwm kom thiaj nkagsiab ntau dua txog txoj kev nyuajsiab ntxhovplawv.
Tej Lus Neeg Feemcoob Nug
Cov neeg pab rau thaum muaj teebmeem “crisis response” yuav pab tau kuv licas?
Cov neeg ua haujlwm yuav nrog koj lujlim qhov teebmeem, txo qhov teebmeem uas kub-kub thiab nrhiav ib lub homphiaj los nrog tswj qhov teebmeem kom txhualeej tsuas ntsib kev kabntsab. Lawv kuj yuav pab txuas koj tau nrog rau cov kooshaum uas yuav pab tau rau tej teebmeem thiab nrhiav kev txhawb rau koj.
Dabtsi yuav tshwmsim yog thaum kuv hu tuaj?
Tus neeg ua haujlwm “Mental Health Crisis Worker” yuav teb koj tsab xovtooj thiab yuav nug koj tias muaj teebmeem dabtsi tshwmsim. Lawv yuav xub nug koj seb koj tus kheej losyog ibtug neeg koj paub muaj kev kubntxhov. Lawv yuav nug tej lus kom pomqab thiab mloog koj txoj kev txhawjxeeb. Tomqab ntawv, lawv yuav pab koj nrhiav txoj kev tawm los mus nrog daws qhov teebmeem uas muaj tshwmsim. Thiab, tejzaum kuj yuav ntsib nrog rau koj timntsej timmuag ntawm ib lub chaws ua koj pomzoo sibntsib.
Tus neeg kuv nrog tham, nws yog leejtwg?
Nws yog ibtug uas raug cob kom txawj txog sab kev nyuajsiab ntxhovplawv.
Cov neeg ua haujlwm no, lawv txoj kev txawj yog zoo licas?
Lawv yog cov neeg kawm tiav rau sab txuj kev nyuajsiab ntxhovplawv thiab ua haujlwm rau sab no. Lawv, keebkwm yuav muaj xwsli; ua haujlwm rau sab social worker, psychology, niamtxiv kev txijnkawm thiab pab tsevneeg sib txhimkho, losyog kws tshuajmob. Muaj qee pab kuj yuav kawm tiav losyog ntsib cov teebmeem tshwmsim los lawm uas hu ua Certified Family Peer Specialists.
Yuav siv sijhawm ntev npaum licas, kuv thiaj tau txais kev pab?
Lub xovtooj yeej qhib thiab muaj neeg yuav teb xovtooj 24/7 (Txhua hnub-txhua sijhawm). Yog koj xav kom muaj ibtug neeg ua haujlwm tuaj ntsib nrog rau koj, lawv yuav tuaj ntsib koj sai li sai tau.
Kuv puas yuav tau them dabtsi?
Nws yuav tsismuaj nqi dabtsi rau koj them. Yog koj daimntawv khomob ho them, peb mam li xa cov nqi mus thaum yog muaj kev sibntsib timntsej timmuag nrog koj.
Yog kuv tsismuaj daimntawv khomob ne?
Txawm koj tsismuaj daimntawv khomob los koj yeej siv tau qhov kev pab no.
Qhov no puas yog ntawm kuv thiab nej xwb? Nej puas yuav muab qhia rau lwm tus neeg?
Tsab xovtooj koj hu tuaj, nws tsuas yog ntawm koj thiab peb xwb. Tiamsis, yog muaj ibtug neeg uas nws yuav ua phem rau nws tus kheej losyog lwmtus, tus neeg ua haujlwm yuav tau uali nws lub luag dejnum kom txhualeej tsuas ntsib kev kabntsab.
Kuv yog ibtug neeg muaj hnubnyoog uas muaj kev txhawjxeeb txog ibtug menyuam? Kuv puas yuavtsum tau hu kom tau rau tsev neeg ibtug losyog tus saibxyuas uantej kuv hu tuaj?
Koj yeej hu tau rau cov neeg pab txawm haistias koj hu tsistau tus saibxyuas. Lawv yuav nrog koj tawm tswvyim txog qhov teebmeem uas tshwmsim thiab pab koj txiavtxim siab tias yuav ua licas ntxiv. Nws feemntau, niam|txiv losyog tus saibxyuas ntawm tus menyuam yuavtsum tau koom nrog rau ntawm tus txheejtxheem; tiamsis nws kuj muaj kev zam tau thiab.
Kuv yog ibtug tsistau muaj hnubnyoog? Yog kuv hu nej, nej puas yuav hu rau kuv niam thiab txiv?
Tus neeg ua haujlwm yuav nrog koj tham seb qhov teebmeem yog dabtsi thiab peb yuav pab tau koj licas tso. Peb, feemntau, xav kom niam thiab txiv koom nrog thiab; tiamsis nws kuj muaj kev zam tau thiab.
Kuv ntausntawv hauv foos tuaj xwb paus tau?
Kev ntausntawv xa tuaj rau peb, nyob rau lub sijhawm tamsim no tseem txais tsistau laib nyob rau hauv nrog ntxaib no.
Resources
(in English)